Gweledigaeth
Gweledigaeth
Credwn yn gryf fod taith pob plentyn o fewn yr ysgol yn unigryw a gwerthfawr a rhown bwyslais ar ddarparu profiadau dysgu cyfoethog ac ysgogol sy’n eu galluogi i gyrraedd y brig uchaf posibl. Gwnawn hynny bob amser mewn awyrgylch diogel a chartrefol lle mae pawb yn parchu ei gilydd. Mae ein diwylliant, ein treftadaeth a’n hanes fel Cymry yn ganolog i’r cwricwlwm ac yn fodd o ysbrydoli ein disgyblion i ymfalchïo yn eu Cymreictod.
Nod yr Ysgol
Darparu addysg a gofal o’r radd flaenaf mewn awyrgylch hapus, ysgogol a diogel fel bod pob plentyn, beth bynnag fo’i allu, yn cyrraedd ei lawn botensial.
Amcanion yr Ysgol
- Darparu amgylchedd hapus, cartrefol ac ysgogol lle gall pob disgybl lwyddo.
- Symbylu pob disgybl i ddatblygu hyd eithaf ei allu, yn academaidd, yn gymdeithasol, yn emosiynol, yn gorfforol ac yn ddiwylliannol.
- Sicrhau bod parch at eraill yn ganolog i holl waith yr ysgol.
- Sicrhau bod pob disgybl – beth bynnag fo’i gefndir ieithyddol – yn gwbl hapus o fewn awyrgylch Cymraeg a Chymreig yr ysgol.
- Sicrhau bod yr holl ddisgyblion yn hyderus ddwyieithog erbyn iddynt adael yr ysgol.
- Datblygu medrau sylfaenol y disgyblion ym mhob agwedd ar y cwricwlwm gan gofio eu hoed a’u gallu.
- Magu ymhlith y disgyblion ymwybyddiaeth a’r awydd am ddimensiwn ysbrydol bywyd, parch at werthoedd crefyddol a goddefgarwch at hiliau a chrefyddau eraill.
- Hyrwyddo arferion diogelwch yn yr ysgol, y cartref a’r gymuned ehangach.
- Creu ymwybyddiaeth ymysg y disgyblion o’r angen am lendid personol, moesgarwch a chwrteisi.
- Creu cysylltiad agos rhwng y cartref a’r ysgol fel y gall rhieni ac athrawon gydweithio’n agos er lles pob plentyn.